ဂျပန်နိုင်ငံနဲ့ အာရှတစ်ခွင်အပြင် အရှေ့တောင်အာရှနိုင်ငံဖြစ်တဲ့ မလေးရှားနိုင်ငံတို့မှာပါ No Enban ဆိုတဲ့ Album ကို ဖြန့်ချိ ထားနိုင် ခဲ့ပြီးနောက် ပရိသတ်ရဲ့အားပေးချစ်ခင်မှုကို တစ်ဟုန်ထိုးရရှိလာနေတဲ့ Yana ဆိုတဲ့ ဂျပန်အမျိုးသမီးအဆိုတော်နဲ့ Kiku လို့အမည်ရတဲ့ ဂျပန်အမျိုးသမီးအဆိုတော်အဖွဲ့ YANA KIKU တို့ဟာ ပြီးခဲ့တဲ့အောက်တိုဘာ ၄ ရက် နေ့က မြန်မာနိုင်ငံက Entertainment တစ် ခုဖြစ်တဲ့ Living Sound Entertainment ရဲ့ CEO ဖြစ်သူ ကိုဂျော်မရမ် စီစဉ်တဲ့
မြန်မာနိုင်ငံရေဘေး သင့်ဒေသပြန်လည် ထူ ထော င်ရေးရန်ပုံငွေ ဖျော်ဖြေပွဲ Yangon Runway Girls Collection ဖျော်ဖြေပွဲကြီးမှာ သူတို့တွေရဲ့ အောင် မြင်ကျော် ကြားလူကြိုက်များနေတဲ့ Fujiyama (Disco), Game Controller, Yanakiku Hajimar-imasu သီချင်းတို့ကိုပါ ထည့်သွင်းသီဆိုခဲ့ကြပါတယ်။ အောက် တိုဘာ ၃ ရက်နေ့မှာ ရန်ကုန်ကိုရောက်ရှိလာခဲ့ကြတဲ့ YANA KIKU တို့ဟာ မြန်မာနိုင်ငံရဲ့ အထင်ကရဖြစ်တဲ့ ရွှေ တိဂုံစေတီတော်မြတ် ကို လည်း အောက်တိုဘာ ၅ ရက် နေ့မနက်ပိုင်းက သွားရောက်ဖူးမြော်ခဲ့ကြပြီးနောက် အောက်တိုဘာ ၆ ရက်နေ့မှာတော့ မြန်မာနိုင်ငံကနေ ဂျပန်နိုင်ငံကို ပြန်လည်ထွက်ခွာသွားခဲ့ကြပါတယ်။
အောက်တိုဘာ ၅ ရက်နေ့ မနက် ၁ဝနာရီက ပေါ်ပြူလာ ဂျာနယ်တိုက်(၃၅လမ်း-လယ်) တည်ရှိရာ AF Studio မှာ အဆိုတော် YANA KIKU အဖွဲ့တို့နဲ့ ဓာတ်ပုံ ရိုက်ကူးခွင့်ရခဲ့ပါတယ်။ ဓာတ်ပုံရိုက်ကူးဖို့အတွက် Living Sound Entertainment ရဲ့ CEO ဖြစ်သူ ကိုဂျော်မရမ်က မေတ္တာဖြင့် ကူညီဆောင် ရွက်ပေးပါတယ်။ ဓာတ် ပုံရိုက်ကူးခွင့်ရ အောင်ကူညီဆောင်ရွက်ပေးကြတဲ့ ကိုဂျော်မရမ်နဲ့ ဓာတ်ပုံရိုက်ကူးခွင့်ပေးတဲ့ အဆိုတော် YANA KIKU တို့ကို ပေါ်ပြူလာဂျာနယ်က အထူးကျေးဇူး တင်ရှိပါတယ်။
အဆိုတော် YANA နဲ့ KIKU တို့ တွေ့ဆုံမေးမြန်းခွင့်ရခဲ့ရာမှာတော့ သူတို့အဖွဲ့အနေနဲ့ မြန်မာပြည်ကို ပထမဦးဆုံးအကြိမ်အဖြစ် လာေ ရာက်ခဲ့တာဖြစ်ပေမယ့်လည်းမြန်မာနိုင်ငံကို နောက်ထပ်တစ်ခေါက် ပြန်လာချင်စိတ် ပြင်းပြနေပြီး နောက်တစ်ကြိမ် ပြန်ရောက်ခဲ့ရင်တော့ ရန်ကုန်မှာ Free Show လုပ်ပြီးတော့ ပရိသတ်ကို အားပါးတရ သီဆိုဖျော်ဖြေပေးချင်ပါသေးတယ်လို့ပြောခဲ့ပါသေးတယ်။
မေး- မြန်မာနိုင်ငံမှာ နေရထိုင်ရတာ ဘယ်လိုနေလဲဗျ။
ဖြေ- (Kuki) မြန်မာနိုင်ငံကို စရောက်လာကတည်းက သတိထားမိတာတော့ မြန်မာကလူတွေက အမြဲတမ်းပြုံးရွှင်နေကြ တယ်။ လေ ဆိပ်စရောက်ကတည်းက သတိထားမိတာပေါ့လေ။ ဘယ်နိုင်ငံနဲ့မှမတူဘူး။ နွေးနွေးထွေးထွေးနဲ့ပြုံးတတ်ကြတယ်။
(Yana) အင်း အဲဒါတော့ဟုတ်ပါတယ်။ အပြင်ကို သိပ်များများစားစားမထွက်ဖြစ်ပေမယ့် ဟိုတယ် ဝန်ထမ်းတွေကို ကြည့်တာနဲ့တင် မြန် မာပြည်သူပြည် သားတွေရဲ့ နွေးထွေးပျူငှာမှုတွေကို တွေ့နိုင်ပါတယ်။ ထပ်ပြောရရင် (အောက်တိုဘာ ၄ ရက်) ညက ဖျော်ဖြေပွဲမှာ ဆိုရင်တွေ့လိုက်ရတဲ့ ပရိသတ်တွေကအစ အပြုံးတွေအပြည့်နဲ့ နွေးနွေးထွေးထွေးဆက်ဆံကြတယ်။ အားပေးမှုတွေကို တွေ့ရတော့ လည်း ပျော်ရွှင်မှုတွေရ ခဲ့တယ်။ အဲဒီစိတ်တွေကြောင့်ပဲ မြန်မာပြည်ကို နောက်တစ် ခေါက်ထပ်လာချင်နေမိတယ်။
မေး- မြန်မာနိုင်ငံအကြောင်းတွေကို အရင်တုန်းကတည်းက သိဖူးတာရှိလား။
ဖြေ- (Yana) မြန်မာနိုင်ငံအကြောင်းတွေ အကုန်လုံးမဟုတ်ပေမယ့် အတော်အသင့်လောက်တော့ သိတာတွေ ရှိပါတယ်။ ဒါပေမဲ့ ပိုပြီးသတိထားမိတာကတော့ ဂျပန်နိုင်ငံက ရုပ်သံဌာနတွေကနေပြီးခဲ့တဲ့ ရက်ပိုင်းတွေက မြန်မာနိုင်ငံ ရေလွှမ်းမိုးမှု ခံနေရတဲ့သတင်းတွေ ကို ခဏခဏ လွှင့်ကြတယ်။ အဲဒီမှာ ပိုသတိထားမိသွားတယ်။ အဲဒီရုပ်သံသတင်းတွေကိုကြည့်ပြီး ကျွန်မတို့လည်း ရေဘေးသင့်ပြည် သူေ တွနဲ့အတူ ထပ်တူထပ်မျှဝမ်းနည်းနေခဲ့ရပါတယ်။ အခုလိုဖျော်ဖြေခွင့်ရလိမ့်မယ် လို့တောင်မှ ထင်မထားခဲ့ဘူး။ အဲဒီအချိန်မှာ ကိုဂျော် မရမ် ကနေပြီးတော့ ဒီမှာဖျော်ဖြေပွဲပြုလုပ်ဖို့ ရှိတယ် ဆိုပြီးတော့ ကမ်းလှမ်းလာချိန်မှာ ဖျော်ဖြေပေးဖို့ လက်ခံခဲ့တာဖြစ် ပါတယ်။ ဖျော်ဖြေ ခွင့်ရခဲ့တဲ့အတွက်လည်း အင်မတန်ကိုမှ ဝမ်းသာကြည်နူးနေမိပါတယ်။
မေး- ဒါဆိုရင် မြန်မာနိုင်ငံမှာရေဘေးတွေဖြစ်သွားလို့သာ လာရောက်ဖျော် ဖြေဖြစ်တဲ့သဘောလား။
ဖြေ- (Kiku) အဲဒီလိုတော့လည်း မဟုတ်ပါဘူး။ အစကတည်းက မြန်မာကိုသိတယ်။ ရေလွှမ်းမှုသတင်းတွေ ရုပ်သံ တွေမှာကြည့်ရတော့ ပိုလာချင်စိတ်ဖြစ်မိသွားတယ်။ ဒါပေမဲ့ အခွင့်အရေးသင့်ခဲ့ရင် လာချင်နေခဲ့တာပါ။ ဘယ်လိုနည်းနဲ့ ကူညီရမလဲပေါ့နော်။ အဲဒီအချိန်မှာ ကိုဂျော်မရမ်က ကမ်း လှမ်းလာတော့ ဝမ်းသာအားရလက်ခံခဲ့ပါတယ်။
မေး- ဖျော်ဖြေပွဲစင်မြင့်ပေါ်မှာ မြန်မာဘာသာစကားကို ပီပီသသ နဲ့ကို ပြောနိုင်ခဲ့တာ အံ့သြစရာပဲနော်။ အချိန်တိုအတွင်း ဘယ်လိုသင်ယူခဲ့တာလဲ။
ဖြေ- (Kiku) မြန်မာနိုင်ငံကို မလာခင်တစ်ပတ်လောက်အလိုကတည်းက မြန်မာစကားကို ဆရာမတွေနဲ့အတူသင်ယူတယ်။ ဆရာမတွေ သင်ပေးလိုက်တဲ့ မြန်မာစကားတွေ အကုန်လုံးကို ရီကော်ဒါနဲ့ အသံဖမ်းထားလိုက်တယ်။ ပြီးတော့ တစ်ပတ်လုံး အဲဒါကိုပဲပြောပြီးလေ့ ကျင့်နေခဲ့တယ်။ မြန်မာစကားကို သင်ယူရတာဟာ အတော်ခက်ပါတယ်။ ကမ္ဘာမှာအခက်ဆုံးစကားက မြန်မာ စကားဖြစ်မယ် ထင် ပါတယ်။ (ရယ်လျက်)
မေး- မြန်မာစကားကိုသင်နေတာဆိုတော့ မြန်မာနိုင်ငံမှာ ဈေးကွက်ချဲ့ထွင်မယ့် သဘောရှိလာမှာလား။
ဖြေ- (Yana) မြန်မာစကားကိုသင်ယူနေတယ်ဆိုတာက ဒီအတိုင်းစိတ်ဝင်စားလို့ ဆက်လက်သင်ယူနေတာပါ။ သီချင်းခွေအ တွက် ဈေးကွက်ချဲ့ထွင်နိုင်အောင်ဆို တဲ့ ရည်ရွယ်ချက်မဟုတ်ပေမယ့် မြန်မာနိုင်ငံမှာ လည်း ကျွန်မတို့ရဲ့ သီချင်းခွေေ တွ ကို ဖြန့် ချိ ချင်ပါတယ်။ဖြစ်နိုင်ရင် အခုဖျော်ဖြေပွဲမှာ မကြည့်လိုက်ရတဲ့ ပရိသတ်တွေအတွက်ရော၊ မရင်းနှီးသေးတဲ့ ပရိသတ်တွေအတွက် ကိုေ ရာ မြန်မာနိုင်ငံမှာ ကျွန်မတို့ရဲ့ဖျော် ဖြေပွဲလေးကို Free Show အနေနဲ့ လုပ်ချင်ပါတယ်။ မြန်မာနိုင်ငံမှာလာပြီးတော့ သီချင်းခွေအ တွက် ဈေးကွက်ချဲ့ထွင်တာမျိုးတွေမလုပ်ခင်ပေါ့။ အခုဆိုရင် ကျွန်မ တို့အယ်လ်ဘမ်သစ်ကို မလေးရှားနိုင်ငံမှာ ဖြန့်ဝေပေးခဲ့ပါတယ်။ ပြီးတော့ ကျွန်မတို့ သီချင်းတွေကို iTune ကနေပြီးတော့လည်း Download ဆွဲပြီး ဝယ်ယူနိုင်ပါ တယ်။ မြန်မာလူမျိုးတွေကိုလည်း နားေ ထာင်ပေးစေချင်ပါတယ်။ iTune က မဝယ်ဖြစ်လည်း Youtube မှာ ရှာဖွေကြည့်ရှုလို့ရပါ တယ်။ မြန်မာမှာ လည်း ဈေးကွက် လာပြီး ဖြန့် ချင်ပါတယ်။ အခုမဟုတ်သေးပေမယ့် နောက်ပိုင်းမှာတော့ လာရောက်ဖြန့်ချင်ပါတယ်။ အခုလက်ရှိမှာလည်း ကျွန်မတို့ နှစ်ယောက် သီ ချင်းအသစ်တွေဆက်သွင်းနေပါတယ်။
မေး- ဒါနဲ့ Yana နဲ့ Kiku တို့က ဘယ်လိုတွေ့ဆုံပြီး အဖွဲ့ဖွဲ့ဖြစ်သွားတာလဲ။
ဖြေ- (Kiku) လွန်ခဲ့တဲ့ ၁၂ နှစ်လောက်တုန်းကကျွန်မတို့မှာ Group ရှိခဲ့တယ်။ ဒါပေမဲ့ နောက်ပိုင်းမှာ အဖွဲ့ကွဲသွားပါတယ်။ အဲဒီမှာ ကျွန်မနဲ့ Yana တို့ကပဲ ဆက်ပြီးတော့ နှစ်ယောက်အတူလျှောက်လှမ်းပြီး ကမ္ဘာ့ဂီတလောကကို ထိုးဖောက်ဖို့ခရီးဆက်ခဲ့ပါတယ်။ ကျွန်မ တို့ရဲ့ ရိုးရာဝတ်စုံဖြစ်တဲ့ ကီမိုနိုကို ဖက်ရှင်အဖြစ်အသုံးပြုပြီးတော့ နိုင်ငံတကာကို ချပြနိုင်ဖို့ကြိုးစားခဲ့ကြပါတယ်။
မေး- ဂျပန်နိုင်ငံရဲ့ J-pop လောကအခြေအနေကကော ဘယ်လိုရှိလဲ။ ခက်ခဲကြမ်းတမ်းလား။
ဖြေ- (Kiku) ပြောရရင်တော့ ဂျပန်နိုင်ငံမှာက အဆိုတော်လုပ်ချင်သူအတွက် အဆိုနဲ့ပတ်သက်တဲ့ အေဂျင်စီတွေအများကြီးရှိတယ်။ သရုပ်ဆောင်ဆိုလည်း အဲဒီလိုပဲ။ မော်ဒယ်ဆိုရင်လည်း အေဂျင်စီတွေအများကြီးရှိတယ်။ အဲဒီတော့ ပြောရရင် ဂီတလောကထဲ စဝင်ဝင် ချင်းမှာ အခက်အခဲဆိုတာကတော့ သိပ်မရှိဘူး။ အေဂျင်စီတွေက အများကြီးပါ။ အရည်အချင်းရှိရင် ရှိသလောက် အောင်မြင်ကြ တယ်။ အခုဆိုရင်လည်း ကျွန်မတို့နှစ်ယောက် ကြိုးစားတယ်။ ကြိုးစားတဲ့အတိုင်း နေရာတစ်ခုကို ပိုင်ဆိုင်ခဲ့တယ်။ Onpu Entertainment မှာ ကျွန်မတို့နှစ်ယောက်ရဲ့ ကြိုးစားအားထုတ်မှုဟာ အရာထင်ကျန်ခဲ့ပါတယ်။
မေး- ကိုရီးယား K-pop တွေလွှမ်းမိုးမှုရှိနေပြီးတော့ ဂျပန် J-pop တွေဟာ သိပ်ထိထိရောက်ရောက် အာရှတစ်ခွင်ကို မ ထိုးဖောက်နိုင်သေးတာ ဘာကြောင့်လို့ ထင်လဲ။
ဖြေ- (Yana) ပြောရရင်တော့ အဲဒါက ထုတ်လွှင့်ဖြန့်ချိမှုအားနဲ့ ဆိုင်ပါတယ်။ အရင်တုန်းကဆိုရင် ဂျပန်ဇာတ်ကားတွေ သီချင်းတွေဟာ အာရှအပြင် ကမ္ဘာ တစ်လွှားကိုပါ ထိုးဖောက်အောင်မြင်ခဲ့တာ အများကြီးရှိပါ တယ်။ ဒါပေမယ့် အခုနောက်ပိုင်း ဂျပန်သီချင်းတွေရော ဇာတ်ကားတွေပါ ထိုးဖောက်မှုအားနည်း လာတာဟာ ထုတ်လွှင့်ပြသခံရမှုအပိုင်းတွေနဲ့ အများကြီးသက်ဆိုင်နေပါတယ်။ ကိုရီးယားတွေ ကတော့ ထိုးဖောက်မှုဟာ တအားလျင်မြန်ပါတယ်။ ဇာတ်လမ်းတွဲတွေကအစ ကမ္ဘာမှာ အောင်မြင်နေတယ်။ K-pop ဆိုတာလည်း ကမ္ဘာမှာ နာမည်ကြီးလာတယ်။ ဒါပေမယ့် ကျွန်မတို့ ဂျပန် J-pop တွေလည်း အရှိန်အဟုန်နဲ့ ကြိုးစားနေကြပါပြီ။ ပြီးတော့ J-pop တွေရဲ့ သီချင်းကို ဥရောပနိုင်ငံတွေမှာ အများဆုံးတွေ့ရပါလိမ့်မယ်။ ဂျပန်ကာတွန်းကားတွေမှာပါတဲ့ J-popသီချင်းတွေဟာ နာမည်ကြီး ထင်ရှားပါတယ်။ ဒီဘက်မှာတော့ ဈေးကွက်ချဲ့ထွင်မှုနည်းတော့ သိပ်အကျွမ်းတဝင်မရှိသေးတာလည်းပါပါလိမ့်မယ်။ ပြီးတော့ ဂျပန်ဇာတ် ကားတွေ၊ ဇာတ်လမ်းတွေကိုယူရိုက်ရင်း နာမည်ကျော်သွားတဲ့ ကိုရီးယားကားတွေလည်း ရှိပါတယ်။ ဥပမာ-ပြောရရင် F4 ကားပါ။ အဲဒီ လိုတွေအများကြီးရှိခဲ့ပါတယ်။
မေး- မြန်မာနိုင်ငံက ပရိသတ်အတွက် အမှတ်တရစကားလေးတွေပြောပေးခဲ့ပါဦးဗျ။
ဖြေ- (Kiku) မြန်မာပြည်က ပရိသတ်ကြီးမင်္ဂလာပါ။ မြန်မာပြည်မှာ အခုလောလာဆယ် K-pop ကခေတ်စားနေပေမယ့် နောက်ပိုင်းမှာ ကျွန်မတို့ J-pop တွေဟာလည်း မြန်မာပြည်မှာ ခေတ်စားလာမယ်လို့ မျှော်လင့်ပါတယ်။ ကျွန်မတို့သီချင်းတွေကို နားထောင်ပေးရင်းနဲ့ J-pop ကို နည်းနည်း ရင်းနှီး သွားတယ်ဆိုရင်ပဲ ဝမ်းသာမိမှာပါ။ မြန်မာပြည်သူပြည်သားတွေဟာ တအားနွေးထွေးပျူငှာတဲ့ အတွက် မြန် မာပြည်ကို တအားသဘောကျမိပါတယ်။ ပြီးတော့ ရေဘေးဒဏ်ခံစားခဲ့ရတဲ့ ပြည်သူတွေအတွက်ကိုလည်း ထပ်တူထပ်မျှ ဝမ်းနည်းရ တယ်။ ရေဘေးသင့်ပြည်သူတွေလည်း အမြန်ဆုံးပြန်လည် အဆင် ပြေပြီးတော့ နဂိုမူလအခြေအနေကို အမြန်ဆုံးရောက်ရှိပါစေလို့ ဆုေ တာင်းပေး ပါတယ်။သောကတွေ အမြန်ဆုံးပျောက်ကင်းပြီးတော့ ပျော်ရွှင်တဲ့နေ့ရက်တွေကို ပြန်လည်ပိုင်ဆိုင်နိုင်ကြပါစေလို့ ဆုတော င်းပေးပါတယ်။
(Yana)- မြန်မာပြည်ကို ပထမဆုံးအကြိမ်အဖြစ်လာရတဲ့အချိန်မှာ စိတ်တွေတအားလှုပ်ရှားနေခဲ့ရတယ်။ မြန်မာပြည်က ပရိသတ်က ဘယ်လိုအနေအထားမျိုးလဲဆိုတာကို မသိဘူးလေ။ ဒါပေမယ့် မနေ့က ဖျော်ဖြေတဲ့အခါ တွေ့ရတဲ့ ပရိသတ်တွေက နွေးနွေးထွေးထွေး ရှိတဲ့အတွက် တအားကို ပျော်ခဲ့ရတယ်။ အဲဒါကြောင့်လည်း Free Show လေးကို လုပ်ချင်တဲ့ဆန္ဒတွေ ဖြစ်ပေါ်ခဲ့ရတာပါ။ ပြီးတော့ ရေဘေးသင့် ပြည်သူတွေအတွက်ကိုလည်း ကူညီနိုင်ဖို့ ဒီဖျော်ဖြေပွဲမှာ ကူညီခွင့်ရခဲ့တာကို ကြည်နူးမိပါတယ်။ ငွေကြေးအ ရဆိုရင် ဘာမှမဟုတ်ပေမယ့် ကိုယ်တတ်ကျွမ်းတဲ့ ဂီတ အနုပညာနဲ့ ပါဝင်ခွင့်၊ ကူညီခွင့် ရတာကိုပဲ ဝမ်းသာမိပါတယ်။ ရေလွှမ်းမိုးမှုမှာ အသက်ဆုံးရှုံးခဲ့ရတဲ့ မိသားစုတွေအတွက်ကိုလည်း ဝမ်းနည်းကြေကွဲရပါတယ်။ အမြန်ဆုံးဘေးဒုက္ခ ကင်းဝေးပြီးတော့ မူလအခြေအနေကို အမြန် ဆုံး ပြန်လည်ရောက်ရှိပါ စေလို့ ဆုတောင်းပေးပါတယ်။
ထက်လူ၊ ဓာတ်ပုံ-မင်းမင်းထွန်း
credit: ပေါ်ပြူလာဂျာနယ်
No comments:
Post a Comment